Þegar hversdagsleg hljóð verða óbærileg
Tyggingarhljóð, smjatt, þungur andardráttur eða penni sem smellt er aftur og aftur. Fyrir fólk með misophoniu vekja slík hljóð reiði, viðbjóð eða kvíða sem erfitt er að ráða við. Þessi síða safnar saman fræðslu á íslensku um misophoniu, fyrir þau sem lifa með henni og fólkið í kringum þau.
Engin hljóð spilast á þessari síðu.
Þú ert ekki ein eða einn um þetta
Margir sem lifa með misophoniu hafa í mörg ár haldið að eitthvað væri að þeim sjálfum, að þeir væru bara of viðkvæmir eða skapstirðir. Rannsóknir síðustu ára sýna að misophonia er raunverulegt og vel skilgreint ástand sem hrjáir stóran hóp fólks.
Árið 2022 kom hópur alþjóðlegra sérfræðinga sér saman um sameiginlega skilgreiningu: misophonia er skert þol fyrir ákveðnum hljóðum eða áreiti sem tengist þeim. Viðbrögðin ráðast ekki af því hversu hátt hljóðið er, heldur af því hvers konar hljóð það er og hver gefur það frá sér.
Í breskri könnun frá 2023 höfðu aðeins um 14% þátttakenda heyrt orðið misophonia áður, þótt mun fleiri lýstu einkennum hennar. Margir eiga því einfaldlega ekki orð yfir það sem þeir upplifa.
Samfélagið
Facebook-hópurinn Fólk með Misophonia-klúbburinn hefur verið vettvangur fyrir fólk með misophoniu og aðstandendur þeirra síðan 2020. Þar deilir fólk reynslu, ráðum og fréttum af fræðslu.
Bráðum verður líka hægt að skrifa athugasemdir og deila reynslu beint hér á síðunni.
Opna Facebook-hópinn